Яратӥсько чупаны ымдур сэрегъёстэ

14 Фев

Гырпумы кылле кунулад,
чиньыосы маялляло йырсиостэ,
нырыд небыт пыкиське синмам
чупакуд вылӥзэ ымдурме,
ымдур сэрегысен
одӥг чиньы пасьталы
уллань –
отын кыкнапалаз ик гоп,
ымдур сэрегысен выллань,
ӧжыт гинэ, ӧжыт гинэ выллань, –
отын но гоп, со пичигес,
адске серекъякуд гинэ.
Яратӥсько чупаны ымдур сэрегъёстэ.
Ангестэ чупаса,
кутӥсько улӥ ымдурдэ,
кылы эркия ангес кутскон интыдэ,
чырты кутсконысь куэд небыт,
отысь уллань,
ӧвӧл, выллань тубо,
ныр но бам вискысь гожад
тэре одӥг чупам,
со гож чупам куараме золтэ.
Яратӥсько кылыны чупам куараме.
Небыт, ненег куэз син улъёсад,
паллянэз улын – мень,
синкаш вылтӥд кылыным ортчыкум,
кымесыд золске, син кусыпысь интыын
гож кылдэ.
Яратӥсько чупаны синъёстэ.
Син дурысеныд пель йылозяд
тэре куинь пол, ньыль пол чупам,
пель небытэд ымдурыдлэсь оло небыт,
пель дурысен кутскись сюрес
нуэ кылме выллань, уллань,
йырвиымад.
Яратӥсько вераськыны малпанэныд.
Паллян пельысеныд бураз
потћсько кымес вылтӥд,
йырси будон гождэ эскерыса,
бурыз пельыд
нош ик кыске кылме
йырвиымед доры,
кема вераськыса соин уг ул,
васько кужмо чыртыетӥд уллань,
чупаса пельсьӧрдэ,
чырты небыттэ,
чыртыысьтыд кык меньёсыд доры вуо,
отчы али дугдо…


Муш Нади. «Эрике мынам» (2005) книгаысь

Из цикла «Точка Ӝи», Богдан Анфиногенов

15 Авг

в этот ласковый майский кумар,
забудем мы — что, где, когда,
чтогдекогда — кытын, ку, мар?
мы в речке талая вода..
о, да!
о, да, кыч:е умой!
усвежся, увлажни, умой!
кобылка на лугу, эрвал,
куда ты скачешь, кытцы, кытцы?
весенних ног коленовал
скрывает юбочка из ситца)
в твоих губах тростинка сена,
я вдохновлен и юн и рьян,
и твоё трепетное: эны
приятней, чем в жару арьян!

………..

губы дрожащие алы,
над нами мир, кизилиос,
за древним срубом куалы,
дворец девичий, твой кенос
как всё таинственно темно,
в цветах узорчатых матрас,
как ты стройна, чебер, йо:но,
тулыс кырз:а,
чоръя атас!

Гольык удмурт нылашъёсын шудон

1 Авг

Удмуртка

Шуак тодмо луиз вотэсын ветлись удмурт нылашъёсты кыльылыса шудон сярысь. Шудонлы пе 5 ар ни. Лэсьтисез тодмотэм. Ас синмыныды адзон понна, 29 мегабайтъем файлэз компьютерады кысконо луоз. Черъёсыз овол, эскеремын. Кысконо татысь.

Шедьтиз маин виназэ воштыны

20 Сен

Вань милям гуртамы воргорон. Нимало сое Питрам Ваня.
Вань солэн одиг яратонэз — юыны яратэ.

Вот та Ваня огпол ми доры пыре но вазиське:
— Йыры пилиське ни, ог сю грамм винадэс секталэ.
— Овол. — шуиськомы.
— Шедьтелэ, пожалуста!
— Овол, уг.
— Мар мыным табере винатэк улоно-а?
— Бен, тон сое маин ке но вошты.

Сюлтыр-калтыр Питрам Ваня бакча сьорамы нюштиз.

Коня ке минут ортчыса учкиськом бакча сьорамы. Милям отын пичи гинэ нюк вань. Отысь гольык ситян жутъяське. Одиг-кык, одиг-кык… Шедьтиз кадь Питраммы маин виназэ воштыны.

Чичпоттӥсь чебер видео

22 Май

Ум жадьытэ туннэ буш кылъёсын — учкелэ ӟеч чичпоттӥсь видео. Удмуртъёсын ӧвӧл ке но, ойдо мед 🙂

Пусъёс: ,

Йыромон юрттӥз

15 Апр

Общагаын кыӵе ке но праздникмы вал, оглом вераса, юон дыр. Пиос но нылъёс трос люкаськизы комнатаямы. Супыльтӥськом, гитараен кырӟаськом, юмшаськом. Кема-а, ӧз-а, жади ни, иземе потэ.  Нош адямиослэн весь шулдыръяськемзы потэ на. Нош компаниямы нылаш Маша (нимзэ воштисько) вал. Тодӥскько, мон солы кельшисько. Адӟисько со дасяське комнатаяз бертыны. Мон со борды кыстӥськи. Со лэзиз комнатаяз шутэтскыны. Нош улӥзы соос кык кузя Наташаен чош. Кызьы но озьы выдӥмы ни солэн валесаз. Мон озьы но тазьы маяллясько сое, чупасько. Нош со весь соглаш уг лу азьпалтыны. Ма карод, озьы ик изи султэм эшеным.

Нош уин макмыр кутскиз — ву юыны но кизяны потай. Вуэм берам нош ик ӟыгыръясько сое, мусоясько. И ма пӧрме — со но арбериме кияз кутӥз но эркия. Каллен кылыныз мугор кузям ваське но сыӵе ӟеч эшме сюпсе. Мынам мылкыд ӝутӥське. Сое берыктӥсько но вылаз тубыса пыртчаны кутскисько. Нош со зол но зол шоканы кутске — соку мон валатски ни: Блин! Та Машэ овол ук! Комнатаязы пырыса омграм йырын-а яке малпаса ик мукет валесэ выдӥ ук — Наташалэназ.

Нош табере уг дугдӥськы ни. Ужме асьпалтӥсько но быдтӥсько. Наташа кеськиз. Маша но сайказ. Ӟеч мадёс луысал ке та, соку ик ми доры Маша лыктысал но куиньнамы ик донгаськиськомы вал. Нош та зэмос учыр  — со куатаськиз но арня палан монэн но Наташаен ӧз вераськы.

Мыным шуд усиз — мед тӥледлы но усёз.

Шарканысь проститутка

12 Апр

Кызьы гожтӥ ни вал, кемалы вахтае ветлӥсько. Шаремылэсь палэнэ. Нош отын тожэ возьыськытэк уг лу. Вот солы луыса огпол дауртӥ. Проститутка ӧтчай. Квартиралы час понна тыри. Нылаш ваизы. Учкисько, сыӵе нормальной, чеберистой.

Вина коняке но юыса понылӥ мон сое. Ӟеч сюпсе. Усто эркея. Мыным кельше…

Валесын кыллиськом ни. Мон тамакме сюпсисько. Вераськиськом. Юасько:

— Тон сыӵе зол быгатӥькод. Ачид кытысь?

Со пумитам вера:

— Ма мон гуртысь. Милям вань нылъёсмы озьы быгато.

— Опа. Тӥ пала одно ик кулэ ветлыны. Вера ай гуртэдлэсь нимзэ.

— Ма Шарканысь мон!

Мон чуть валэс вылысь ӧй усьы…

Пусъёс:

Батарейкаен кузьым

11 Апр

Ачим мон араз трос пол вахтае ветлӥсько. Кышное мукетсэ медам утча шуыса, дорам басьтӥ выль донгаськись арбериез.

Кышноелы сёти:

— Тани тыныд кузьым. Мын но эскеры ужа-а уг-а.

Со кошкиз мунчое. Час ортчиз ни, кык но ортчиз. Уг пот. Малпасько ни маке ӧз лу-а соин.

Нош мунчоысь со кесиське ни:

— Мын чаляк гинэ лавкае туба, пока ӧз пытсаськы, но батарейка тросгес басьты! А то таиз пуксем ни…

Пусъёс:

Узы боры: кызьы востэм удмурт пияш сыӵе вакчи дыр куспын пикапер луиз?

19 Мар

Узы боры — ваньзы ӟольгыриос кадь та кино сярысь вераськыса кыллё котькытын — онлайн но, оффлайн но. Нош мыным одӥгез гинэ тунсыко: кызьы Максим, сыӵе востэмлэсь но востэм гинэ пияш, кӧня ке нунал куспын сыӵе продвинутой пикапер луиз?

Кино кутскыку ик Максимлэн образэз усьтӥське — сыӵе зол синмаськем кырӟась кизилилы, сиемез но, вераськемез но, кырӟамез но уг луы ни. Кусьме огкылын, воксё поромыса, мар карын азьланяз валатэк. Озьыен, нырысьсэ а мара синмаськем? Озьы кадь потэ: нылъёсын но мар карын уг тоды, зынъямтэ ай шӧдске. Нош куке Вика гуртазы вуэ, пияш ассэ воксё мукет сямен возьыны кутске. Кытысь сыӵе зырым тодэ, кызьы нылъёсын астэ возёно, сое ас бордад кемалы думыны мед луоз шуыса? Кин сое дышетӥз? Песятаез воксё мукет кылъёс вераз ук. Да и сыӵе ужъёсты лэсьтын быгатын бадӟым опыт кулэ.

Кыӵе профессиональной Максимлэн выросъёсыз: Вика бӧрдыку буйган кылъёс но шедьтэ, чик кисыяз уг пыры (нормальной пияш та дыре тормоз кутыса ӧй кылльысалыз — чупасалыз но отын ик вайяса донгасалыз — соиз ӧй но пумитъяськысалыз — яратонэз сюлэмзэ вӧсь кариз ук, кызьы ке буйгатсконо). Озьыен Максимлэн та дыре ик кескич планэз кылдэмын вал ни. Кыкетӥ туууж тунсыко учыр кылдэ, куке Максимен Викаос шур дурын дыр быдто — Максим Вика доры лыктэ, йырсизэ маялля-маялля но чупаса погыльтыса донгам интые «Ойдо доре бертӥм» гинэ шуэ.  +1! Викалэн соку Чичез айбат потэ вал ни луоз — но нош ик облом! Мар та таӵе? Максим тормоз? Ӧвӧл! Со — план! Берпуметӥез учыр — Максим Викалы кырӟан кырӟа, но нош куакъёс пӧлын ик зибем интые, Викаез подло гинэ келяса лэзе: «Тӥ, Вика, мыным ӧд синмаське дыр ук?»… Стоп, стоп! Ку соос берен тӥ шуыса вераськын кутскизы? Кызьы Вика, сыӵе визьмо кизили, кудӥзлэсь вань пиос балдеть каро, уг вала, соин усто пикапер ужа шуыса? Со ыж? Мар бон палиться кариськыса сыӵе вожез потыса соку ик городэ шонтоно вал?

Вакчияк вераса, образъёс нереалистичноесь. Максим ассэ дурак возьматэ ке но, оказывается со профессиональной казанова со стажем. Несостыковка. Вика, несмотря на то, что со сьӧры уллёен пиос бызьыло, уг вала, Максим соин шудэ шуыса. Сыӵе кизили просто обязана разборчивойгес луыны. Тумошо 🙂 Валаське, сценариез кышномурт пӧрам — сурам мае ке.

Пусъёс: , ,

Магнолия

3 Мар

Магнолия

Та сяська кадь,
возьыттэк, шара,
йӧно но кема
усьтӥськеме
потэ.

*   *   *

Magnólia

Mint ez a virág
szégyentelenül, hangosan,
büszkén és hosszasan
akarok
kinyílni.

*   *   *

Magnolie

Wie diese Blüte
ohne Scham, laut,
stolz und lange
will ich
mich öffnen.

Муш Нади

Пусъёс: